Այցով Ղրղզստանում գտնվող Թուրքիայի նախագահը հանկարծակի վատացել է
Թուրքիայի նախագահ Աբդուլլահ Գյուլի պաշտոնական այցը Ղրղըզստան դադարեցվել է: Այս մասին ղրղըզական AKIpress-ին հայտնել են երկրի արտգործնախարարությունից` վկայակոչելով Թուրքիայի նախագահի մամուլի ծառայությանը:
Տեղեկության համաձայն` Գյուլն իրեն վատ է զգացել և թյուրքալեզու պետությունների ղեկավարների գագաթաժողովից անմիջապես հետո կվերադառնա Թուրքիա:
Թուրքիայի նախագահը հանդիպումներ է ունեցել Ղրղըզստանի նախագահ Ալմազբեկ Աթամբաևի, Ղազախստանի նախագահ Նուրսուլթան Նազարբաևի, ինչպես նաև Ադրբեջանի վարչապետ Արթուր Ռասիզադեի հետ:
Հանդիպումից հետո նա հայտարարել է վատ ինքնազգացողության մասին, ինչն էլ դարձել է թուրքական լրատվամիջոցների օրվա լուրը:
Ըստ թուրքական լրատվամիջոցների՝ նախագահը տառապում է ականջների քրոնիկ հիվանդությամբ:
