Փոխհրաձգություն Ստավրոպոլի շուկայում. 8 վիրավոր կա, որոնց թվում նաև հայ
Կրակահերթի արդյունքնում Ստավրոպոլի «Յուժնի» կոչվող շուկայում վիրավորվել է մի քանի մարդ: Այս մասին հայտնում են ռուսական լրատվական գործակալությունները:
Մի քանի հոգի զինված մտել են շուկա, հայհոյել ու ծեծել Հայաստանից, Տաջիկստանից և Ադրբեջանից եկած առևտրականներին, ապա ատրճանակից և ինքնաձիգից անկանոն կրակ բացել առևտրային տաղավարների ուղղությամբ:
Նշենք, որ վիրավորների մասին պաշտոնական տվյալներ առայժմ չկան: rian.ru-ի փոխանցմամբ, դեպքի վայրում վիրավորվել է հինգից ութ մարդ, որից հինգը, interfax-ի փոխանցմամբ, հոսպիտալացվել են: Բժիշկների խոսքով, վիրավորների առողջական վիճակի մասին որևէ բան ասելը դեռ շուտ է:
