Հալեպը աստիճանաբար վերադառնում է կառավարական ուժերի հսկողության տակ
Սիրիայում բանակի ու ընդդիմության ուժերի բախման հետևանքով անցած օրերին զոհվել է ավելի քան 200 մարդ: Այս մասին այսօր հայտնել է ITAR-TASS-ը:
Վերջինիս տվյալներով` նվազագույնը 86 մարդ է զոհվել մայրաքաղաք Դամասկոսի Մուադդամիե շրջանում, որտեղ բանակը հատուկ գործողություն է իրականացրել ապստամբների դեմ:
Բախումները շարունակվում են նաև երկրի տարբեր քաղաքներում, մասնավորապես՝ Հալեպում, որն աստիճանաբար վերադառնում է կառավարական ուժերի հսկողության տակ` հետ մղելով Սիրիական ազատ բանակի ստորաբաժանումներին:
Գործակալությունը հաղորդել է նաև 3 արտասահմանցիների մահվան մասին, սակայն ավելի ստույգ տվյալներ այս պահին չկան:
