Կապանի Ողջի գետն ընկած կնոջը փրկել են
Երեկ՝ օգոստոսի 21-ին ահազանգ է ստացվել, որ Սյունիքի մարզում՝ Կապանի Շահումյան փողոցի մոտ քաղաքացի է ընկել Ողջի գետը։ Դեպքի վայր է մեկնել մարզային փրկարարական ջոկատը։
ԱԻՆ լրատվական ծառայությունից 168.am-ին հայտնում են, որ փրկարարները գետից դուրս են բերել Վարդուշ Արզումանյանին և տեղափոխել Կապանի կենտրոնական հիվանդանոց: Ըստ բժիշկների՝ տուժածի առողջական վիճակը միջին ծանրության է:
