Մահացել է Դիանա Սիրունյանը
Այսօր առավոտյան ժամը 04:40-ին մահացել է Ներքին գործերի նախկին նախարար Վանո Սիրադեղյանի թիկնազորի նախկին պետ Սուրեն Սիրունյանի դուստրը՝ Դիանա Սիրունյանը՝ այդպես էլ գիտակցության չգալով: Այդ մասին Tert.am-ին այս մասին տեղեկացրել է «Արմենիա » հանրապետական բժշկական կենտրոնի վերակենդանացման բաժնի հերթապահ բժիշկը, ասելով, որ Դիանա Սիրունյանը որևէ վիրահատության չի ենթարկվել և հավելել է. «Նա այդպես էլ չկարողացավ դուրս գալ այդ վիճակից»:
Հիշեցնենք, որ հոր՝ Սուրեն Սիրունյանի մահվան գույժն իմանալով՝ 16-ամյա Դիանա Սիրունյանը, ինքնասպանության փորձ էր արել, նետվելով շենքի հինգերորդ հարկի պատուհանից:
168.am-ի աշխատակազմը խորապես ցավակցում է Դիանա Սիրունյանի ընտանիքի անդամներին ու հարազատներին՝ նրա ողբերգական մահվան կապակցությամբ:
