Ռազմական ինքնաթիռի պահեստամասեր Հայաստան բերողին դատել են Օսիայում
Ռուսաստանի Հյուսիսային Օսիա-Ալանիայի հանրապետության դատախազությունը հաստատել է Հայաստանի քաղաքացի Տիգրան Մխիթարյանի դեմ մեղադրական եզրակացությունը:
Ինչպես տեղեկացնում է «Ռեգնում» գործակալությունը, գործ է հարուցվել ռազմական տեխնիկայի մաքսանենգության հատկանիշներով:
Մխիթարյանը փորձել է Ռուսաստանից Հայաստան տեղափոխել «ՄԻԳ-27» ռազմական ինքնաթիռի պահեստամասեր` «Վերին Լարսի» անցակետով:
Այստեղ էլ Հյուսիսային Օսիայի սահմանապահները հայտնաբերել են ռազմական բնույթի ուղեբեռը:
