Բախումներ Լիբանանում՝ սուննիների ու ալևիների միջև. կան վիրավորներ
Առնվազն 16 մարդ է վնասվածք ստացել լիբանանյան Տրիպոլի քաղաքում երեքշաբթի գիշերը իսլամի սուննի և ալևի ուղղությունների ներկայացուցիչների միջև տեղի ունեցած բախումների հետևանքով: Այս մասին հայտնում է Reuters-ը` վկայակոչելով բժիշկներին ու անվտանգության ծառայություններում իր աղբյուրին:
Ականատեսների խոսքով` հակամարտող խմբավորումները կիրառել են ինքնաձիգներ ու նռնականետեր:
Ինչպես նկատում է գործակալությունը, Լիբանանում սուննիների և ալևիների միջև բախումները հետևանք են հարևան Սիրիայում հակամարտության, որտեղ սուննի ահաբեկիչները հակամարտության մեջ են կառավարական զորքերի և ալևի նախագահ Բաշար Ասադի կողմնակիցների հետ:
