Ուկրաինան դեռ Ռուսաստանին չի հանձնի Պուտինի դեմ նախապատրաստվող մահափորձի կասկածյալին
Ուկրաինայի իշխանությունները դադարեցրել են Ռուսաստանի նախագահ Վլադիմիր Պուտինի դեմ մահափորձի նախապատրաստման մեջ կասկածվող Ադամ Օսմաևին Ռուսաստանին տարհանձնելու գործընթացը:
Օսմաևի դատապաշտպանները դիմել են Մարդու իրավունքների եվրոպական դատարան այն բանից հետո, երբ օգոստոսի 14-ին Ուկրաինայի Օդեսայի մարզային Վերաքննիչ դատարանը մերժեց իրենց բողոքը՝ ուժի մեջ թողնելով Ուկրաինայի գլխավոր դատախազության՝ վտարելու մասին որոշումը:
Տարահանձնման դեպքում Ուկրաինան կարող է խախտել մարդու իրավունքների եվրոպական համաձայնագիրը, նշված է ՄԻԵԴ ուղարկված բողոքի մեջ: Դատապաշտպանների կարծիքով՝ հանձնման դեպքում Ռուսաստանը կարող է Օսմաևին տանջանքների և անմարդկային վերաբերմունքի արժանացնել:
