«Ցուկերբերգ» ավան կկառուցվի՝ Facebook-ի աշխատակիցների համար
Facebook-ի հիմնադիր Մարկ Ցուկերբերգը որոշել է ընկերության Մենլո Պարկ քաղաքում գտնվող հատվածում նոր թաղամաս կառուցել: Այս մասին գրում է «Լոս Անջելես Թայմսը» («The Los Angeles Times»): Նոր թաղամասը հնարավորություն կտա Facebook-ի աշխատակիցներին խանութ կամ վարսավիրանոց գնալու համար ժամանակ խնայել, ինչը նրանցից շատերի համար ժամանակի զգալի կորուստ էր համարվում:
Նշվում է, որ նոր թաղամասն ամենաարդիական ավաններից մեկը կլինի, որը կբավարարի Facebook-ի աշխատակիցների բոլոր պահանջները, և այն, հնարավոր է, անվանակոչվի Ցուկերբերգի անունով:
