Ռուսաստանում քաղաքապետերին կընտրեն քաղաքացիները
ՌԴ կառավարությունը հավանություն է տվել օրինագծին, որով Ռուսաստանի բոլոր քաղաքներում քաղաքապետերի անմիջական ընտրությունները պարտադիր են հռչակվում, հայտնում է Коммерсант-ը: Փաստաթուղթը պատրաստել և մայիսին ներկայացրել էր Տարածաշրջանային զարգացման նախարարությունը:
Այժմ օրինագիծը պետք է մտնի Պետդումա:
Ներկայումս քաղաքապետերը կարող են ընտրվել ինչպես անմիջական ընտրություններով՝ քաղաքացիների կողմից, այնպես էլ օրենսդիր ժողովների պատգամավորների կողմից:
Օրենքի նախագծով առաջարկվում է սահմանել նաև փոխքաղաքապետի պաշտոն:
