Էկվադորը քաղաքական ապաստան տվեց WikiLeaks-ի հիմնադրին
Էկվադորը այսօր հայտարարեց, որ քաղաքական ապաստան կտրամադրի WikiLeaks-ի հիմնադիր Ջուլիան Ասանժին: Այս մասին հաղորդում է «Ազատություն» ռադիոկայանը:
Ասանժը այս տարվա հունիսից ապաստանել է Լոնդոնում Էկվադորի դեսպանատանը` խուսափելով Շվեդիա արտաքսվելուց, որտեղ նրան մեղադրում են սեռական բնույթի հանցագործություններ կատարելու մեջ:
Ասանժի աջակիցները պնդում են, որ Շվեդիայում հարուցված գործը սոսկ պատրվակ է Wikileaks-ի հիմնադրին ավելի ծանր մեղադրանքով Միացյալ Նահանգներ փոխադրելու համար։
Մեծ Բրիտանիայի իշխանությունները հայտարարել են, որ կարող են չեղյալ համարել Էկվադորի դեսպանատան դիվանագիտական կարգավիճակը, որպեսզի կատարեն Ասանժին արտաքսելու «օրինական պարտավորությունը»:
