Աֆղանստանում անհայտ պատճառներից վրացի զինվոր է մահացել
Աֆղանստանում մահացել է 21-ամյա վրացի սերժանտ Պավլե Տաբագարին,- գրում է «Վզգլյադը»:
Մահացածի հարազատներին ողբերգության մանրամասները հայտնի չեն: Նրանցից ոմանք խոսում են թունավորման մասին, քանի որ չկան փաստեր, որոնք կապացուցեն նրա՝ մարտական պարտականությունների կատարման ժամանակ զոհված լինելու մասին: Պաշտոնական տվյալներ դեռևս չկան, իսկ վրացի զինվորականը Աֆղանստան էր մեկնել երկու շաբաթ առաջ:
Տաբագարիի մարմինը հարազատ Ախալցխա կտեղափոխվի օգոստոսի 17-ին: Նա կին ու երեխա ուներ:
Նշենք, որ ներկայումս Աֆղանստանում 925 վրացի զինվորական է ծառայություն անցկացնում: Նրանց թիվը նախատեսվում է ավելացնել ևս 750-ով:
