
Բախումներ երիտասարդների և իրավապահների միջև՝ Ֆրանսիայի հյուսիսում

Ֆրանսիայի հյուսիսային Ամիեն քաղաքում դաժան բախումներ են տեղի ունեցել երիտասարդների և իրավապահ մարմինների միջև, ինչի հետևանքով 16 ոստիկան վնասվածքներ է ստացել և մի քանի շինություններ են այրվել, հայտնում է The Guardian-ը:
Վերջին մի քանի տարիների ընթացքում սրանք ամենալուրջ բախումներն են այս քաղաքում:
Խռովարարները սկսել են իրենց անկարգությունները տեղի ժամանակով 9:00-ին, որը տևել է մինչև 16:00-ը: Մոտ 100 երիտասարդ հրդեհել են մեքենաներ, մանկապարտեզ, երիտասարդական կենտրոն` տարբեր իրեր նետելով իրավապահների ուղղությամբ, ովքեր իրենց հերթին արցունքաբեր գազ և ռետինե փամփուշտներ են կիրառել նրանց նկատմամբ:
Ընդհանուր առմամբ Ամիենն աչքի է ընկնում տեղի երիտասարդների և ոստիկանների միջև լարված հարաբերություններով և համարվում է Ֆրանսիայի 15 ամենաանհանգիստ քաղաքներից մեկը: