Թալանել են հանգուցյալ Սթիվ Ջոբսի Կալիֆորնիայի առանձնատունը
Apple-ի հիմնադիր, հանգուցյալ Սթիվ Ջոբսի Կալիֆորնիայի տունը թալանվել է, հայտնում է Huffington Post-ը:
Գողացվել են ավելի քան 60 հազար դոլար արժողությամբ անձնական իրեր և համակարգիչներ:
Այս գործով ձերբակալվել է 35-ամյա Քարիեմ ՄքՖարլինը՝ գողոնն իրացնելիս: Նա կալանքի տակ է. սահմանված է 500 000 գրավ: Այս գործով դատական լսումը կկայանա օգոստոսի 20-ին:
Ըստ դատախազի՝ գողությունը կատարվել է հուլիսի 17-ին, սակայն ՄքՖարլինը, ըստ երևույթին, տեղյակ չի եղել, թե ում է պատկանում տունը:
