Երեք հոգի մոտորանավակից ընկել են լիճը
Այսօր ժամը 13.36-ին տեղեկություն է ստացվել, որ ժամը 12.55-ի սահմաններում Սեւանա լճում մոտորանավակ է շրջվել, որում գտնվել են 3 քաղաքացիներ:
ԱԻՆ լրատվական ծառայությունից հայտնում են, որ ջրափրկարարները հերթապահ մոտորանավակով մոտեցել են դեպքի վայր եւ ջրից դուրս բերել Գեղարքունիքի մարզի Լճաշեն գյուղի բնակիչներ` 22-ամյա Ջանիկ, 21-ամյա Վարդգես Կարապետյաններին եւ 22-ամյա Աննա Մինասյանին: Տուժածների առողջական վիճակը գնահատվել է բավարար:
