Թեհրանի գագաթնաժողովին կմասնակցեն ավելի քան 50 երկրներ
Այսօրվա դրությամբ ավելի քան 50 բարձրաստիճան պատվիրակություններ հաստատել են օգոստոսի 26-31-ը Թեհրանում կայանալիք Չմիավորման շարժման 16-րդ գագաթնաժողովին իրենց մասնակցությունը:
Այս մասին լրագրողների հետ զրույցում հայտարարել է Իրանի ԱԳՆ-ի պաշտոնական ներկայացուցիչ Ռամին Մեհմանպարաստը: Վերջինիս խոսքերով՝ ներկայումս ընթանում են այդ գագաթնաժողովի նախապատրաստական աշխատանքները: Ինչպես հաղորդում է իրանական Fars News լրատվական գործակալութունը՝ Մեհմանպարաստը հավելել է, որ գագաթնաժողովին մասնակցելու են տարբեր երկրների նախագահներ, փոխնախագահներ, վարչապետներ ու արտգործնախարարներ:
