Կաթողիկոսն այցելել է Արևմտյան Ուկրաինայի հայ համայնք
Ն.Ս.Օ.Տ.Տ. Գարեգին Երկրորդ Ծայրագույն պատրիարք և Ամենայն Հայոց կաթողիկոսն օգոստոսի 11-ին այցելել է Ուկրաինա, հայտնում է Analitika.at.ua-ն:
Արևմտյան Ուկրաինայի Չեռնովցի քաղաք այցի ընթացքում կաթողիկոսը հանդիպում է ունեցել Ուկրաինայի մշակույթի նախարար Միխայիլ Կուլինյակի և Ուկրաինայի հայերի միության նախագահ Վիլեն Շատվորյանի հետ:
Չեռնովցիի «Արևիկ» հայկական մշակութային միության նախագահ Վիկտոր Դավիդովիչի խոսքով` Ամենայն Հայոց կաթողիկոսին ողջունելու են եկել հայ համայնքի ներկայացուցիչները, չեռնովցիներն ու քաղաքի հյուրերը:
Այցի ընթացքում Սուրբ Պողոս և Պետրոս հայկական եկեղեցու մոտ կայացել է տոնական հավաք:
Հիշեցնենք, որ մինչ այդ Ամենայն Հայոց կաթողիկոսն օգոստոի 10-ին հովվապետական այցով մեկնել էր Ռումինիա, որտեղ հանդիսապետել էր Սուչավայի Հաճկատար Սբ. Աստվածածին վանքի վերաօծման արարողությունը և հիմնադրման 500-ամյակի տոնակատարությունները:
