Ժայռ չի փլուզվել, հովիվ էլ չի մահացել
Քիչ առաջ 168.am-ը Արտակարգ իրավիճակների նախարար Արմեն Երիցյանից փորձեց ճշտել Սյունիքում տարածված այն լուրը, ըստ որի՝ այսօր տեղի ունեցած երկրաշարժի հետևանքով Գորիսում փլուզվել է ժայռ:
Գորիսեցիների շրջանում պտտվող խոսակցությունների համաձայն՝ ժայռի փլուզման հետևանքով մահացել է հովիվ: Սա նաև արագ արձագանք է գտել Ֆեսյբուք սոցիալական ցանցում:
ՀՀ Արտակարգ իրավիճակների նախարար Արմեն Երիցյանը 168.am-ի հետ հեռախոսազրույցում հերքեց այդ տեղեկատվությունը՝ նշելով, որ Գորիսի երկրորդական ճանապարհի հատվածում՝ ոչ Կապան-Գորիս հիմնական ճանապարհահատվածում, եղել է որոշ քարաթափում: Նախարարի փոխանցմամբ՝ ոչ մի ժայռ էլ չի փլուզվել և ոչ մի մարդկային կորուստ էլ չի գրանցվել:
