Ուժգին երկրաշարժ Իրան-Հայաստան սահմանի մոտ (թարմացված)
Իրանում քիչ առաջ ուժգին երկրաշարժ է եղել: Երկրաշարժի էպիկենտրոնը գտնվել է Իրանի հյուսիս-արեմտյան հատվածում, Հայաստանի Կապան քաղաքի մերձակայում: Երկրաշարժի ուժգնությունը կազմել է 6,6 մագնիտուդ, իսկ խորությունը 67 կմ: Այս մասին տեղեկացրել են ԱԻՆ լրատվական ծառայությունից:
Երկրաշարժը լրջորեն զգացվել է Հայաստանի հարավային հատվածում, անգամ Երեւանում:
Իրանում ավերածությունների կամ զոհերի մասին տեղեկություններ դեռ չկան: Մանրամասները ճշտվում են:
ԱԻՆ-ը տեղեկացնում է, որ երկրաշարժի էպիկենտրոնը գտնվում է Իրանի Ահար քաղաքից 16 կմ դեպի հյուսիս-արեւմուտք: Երկրաշարժի հիպոկենտրոնը գտնվում է 15 կմ խորության վրա: Երկրաշարժի ուժգնությունը էպիկենտրոնային գոտում կազմել է 9 բալ:
Երկրաշարժը գրանցվել է նաեւ ՀՀ տարածքում. Ագարակ, Մեղրի, Քաջարան, Կապան, Գորիս քաղաքներում` 4.5 բալ ուժգնությամբ, իսկ Երեւան քաղաքում` 3-4 բալ:
