«Անհայտ ծագումով» Bentley-ն
Բավարիայի մայրուղիներից մեկում Ոստիկանությունը կանգնեցրել է սպիտակ «Bentley Continental GT» մակնիշի մի ավտոմեքենա` գերմանացի իրավապահներին անհայտ պետհամարանիշերով:
Ըստ գերմանական Die Welt-ի՝ ավտոմեքենայի
27-ամյա շվեյցարացի վարորդն ասել է, որ ուղևորվում է Պրահա` մի սիրիացու պատվերով, որպեսզի այդ «Bentley»-ն փոխանցի Ուկրաինայում բնակվող մի իսրայելցի բանկիրի: Իսկ ավտոմեքենայի փաստաթղթերը, ինչպես պարզվել է, ձևակերպված են եղել Մերձդնեստրում: «Պաշտոնապես գոյություն չունեցող պետությունը չի կարող փաստաթղթեր տրամադրել տրանսպորտային միջոցների համար»,- այս միջադեպի առթիվ գրել է Die Welt-ը` հավելելով, որ նշված մեքնենան Ոստիկանությունը վերադարձրել է այն բանից հետո, երբ ներկայացել է դրա իսրայելցի սեփականատերը:
«Bentley»-ն նրան են վերադարձրել միայն «իսկական» փաստաթղթերը ստուգելուց հետո:
