«Հարսնաքար»-ի գործին ծանոթանալու համար ոստիկանությունը տվել է ևս 5 աշխատանքային օր

Հիշեցնենք, որ «Հարսնաքար» ռեստորանային համալիրի բակում հունիսի 17-ի բռնարարքի գործով տուժող Վահե Ավետյանի իրավահաջորդի ու տուժողների ներկայացուցիչներին տրվել էր մեկ օր ժամանակ 1000 էջից ավելի 3 հատոր կազմող գործի նյութերին ծանոթանալու ու դրա ավարտին գործի վերաբերյալ միջնորդություններ ներկայացնելու համար: Տրամադրված ժամկետը կողմը գնահատել էր որպես ոչ ողջամիտ և միջնորդել էր երկարացնել գործի նյութերին ծանոթանալու ժամկետը, ինչը մերժվել էր: Սակայն դատախազությունը հանձնարարել էր ոստիկանությանը ևս մի քանի օր ժամանակ տրամադրել կողմին: