Աֆղանստանում սպանված ամերիկյան զինվորներից մեկը հայ է
Աֆղան ոստիկանի կողմից երեկ՝ օգոստոսի 10-ին, սպանված ծովային հետեւակայիններից մեկը 29-ամյա կապիտան Մեթ Մանուկյանն էր:
Մանուկյանը ԱՄՆ Կալիֆոռնիա նահանգի Սանտա Կլարա քաղաքից էր` դատավոր Փիթեր Մանուկյանի եւ դատարանի անդամ Պատրիցա Մանուկյանի որդին: Նա ծովային հետեւակ էր ընդունվել յոթ տարի առաջ, ծառայել էր Իրաքում, ծառայության անցել Աֆղանստանում արդեն երկրորդ անգամ, հաղորդում է utsandiego.com-ը: Մանուկյանը տիրապետում էր արաբերենին եւ Իրաքում ծառայության ժամանակ տեղի բնակիչներին օգնել էր դպրոցի բացման հարցում:
Միջադեպը տեղի է ունեցել այն ժամանակ, երբ աֆղանստանցի ոստիկանը երեք ամերիկացի զինծառայողներին հրավիրել է ընթրիքի, գնդակահարել նրանց եւ փախչել:
