ԱՄՆ ծագումով արաբ զինվորը մտադիր էր սպանել իր բոլոր ծառայակիցներին
Ամերիկացի զինծառայող Նասեր Ջեյսոն Աբդոն դատապարտվել է ցմահ ազատազրկման ռեստորանում պայթյունների նախապատրաստման համար: Այս մասին հաղորդում է Associated Press գործակալությունը:
Պաղեստինյան ծագում ունեցող 22-ամյա ԱՄՆ քաղաքացի Նասեր Ջեյսոն Աբդոն, որը մահմեդականություն է դավանում, պատրաստվում էր զինվորականության կողմից համբավ վայելող ռեստորանում պայթյուն կազմակերպել:
Հարցաքննության ժամանակ Աբդոն հայտարարել է, որ մտադիր է եղել կանգնել ռեստորանի մոտ և գնդակահարել ողջ մնացածներին: Նա հայտնել է, որ այդկերպ ցանկացել է վերականգնել Աֆղանստանի և Իրաքի ժողովուրդների հանդեպ արդարությունը:
Մեղադրող կողմի տվյալներով` Աբդոն արդեն ամեն ինչ նախապատրաստել էր ահաբեկչությունն իրականացնելու համար:
