ՀՀ պաշտոնանկ արված զինկոմի ժամանակավոր պաշտոնակատար է նշանակվել նրա տեղակալը
ՀՀ գլխավոր զինվորական կոմիսարին ժամանակավորապես կփոխարինի զինվորական կոմիսարի տեղակալ գնդապետ Հենրի Մուրադյանը, այս մասին տեղեկացրել են ՀՀ պաշտպանության նախարարության Տեղեկատվության և հասարակայնության հետ կապերի վարչությունից՝ նշելով, որ վերջինս կպաշտոնավարի այնքան մինչև նշանակվի նոր զինկոմ:
Հիշեցնենք, որ երեկ ՀՀ նախագահ Սերժ Սարգսյանի հրամանագրով զբաղեցրած ՀՀ գլխավոր զինվորական կոմիսար, գեներալ-մայոր Սերգեյ Չալյանը ազատվել էր պաշտոնից:
Սերգեյ Չալյանը 2001 թվականին նշանակվել է ՀՀ զինված ուժերի հետախուզության վարչության պետի տեղակալ, 2002-2009 թվականներին զբաղեցրել է ՀՀ ՊՆ կազմազորահավաքային վարչության պետի պաշտոնը, իսկ ՀՀ գլխավոր զինվորական կոմիսարի պաշտոնն զբաղեցրել է 2009-ից մինչև 2012 թվականը:
