Դատախազությունը վիճարկել է ռուս օլիգարխի պատժաչափի նվազեցումը
Ռուսաստանի Արխանգելսկի մարզի դատախազությունը երեկ վիճարկել է «ՄԵՆԱՏԵՊ»-ի նախկին ղեկավար Պլատոն Լեբեդևի պատժաչափը իջեցնելու դատարանի որոշումը: Այս մասին, ըստ «ՌԻԱ նովոստի» գործակալության, հայտնել են ՌԴ գլխավոր դատախազությունից:
Հիշեցնենք, որ Ռուսաստանի Արխանգելսկի մարզի Վելսկի դատարանը օգոստոսի 8-ին 3 տարի 4 ամսով իջեցրել էր 13 տարվա գաղությանի ռեժիմի դատապարտված Պլատոն Լեբեդևի պատժաչափը:
Իսկ այսօր՝ օգոստոսի 10-ին, Արխանգելսկի մարզի Վելսկի շրջանի դատախազը պաշտոնապես բողոքարկել է «ՄԵՆԱՏԵՊ» ֆինանսական ընկերության նախկին ղեկավարի դատապաշտպանների կողմից ներկայացված ու դրական որոշման արժանացած վճիռը:
Ռուսաստանցի օլիգարխի պատժաչափն իջեցնելու որոշումը կայացվել էր Ռուսաստանի Քրեական օրենսգրքում կատարված մի շարք փոփոխություններից հետո:
