Վրաստանի ՊՆ-ն և ՆԱՏՕ-ն քննարկում են ռազմական ուսուցման խնդիրները
Վրաստանի պաշտպանության փոխնախարար Մայա Սիպրաշվիլին հանդիպել է ՆԱՏՕ-ի անդամ երկրների ռազմական կցորդ, ՆԱՏՕ-ի կապերի գրասենյակի ղեկավար Ուիլյամ Լահաուի և ռազմական կոորդինատոր Զբիգնև Պրաշալեկի հետ: Այս մասին, վկայակոչելով ՊՆ լրատվական ծառայությանը, հաղորդում են վրացական լրատվամիջոցները:
Վրացական կողմից այդ հանդիպմանը ներկա են գտնվել նաև պաշտպանության նախարարության և միացյալ շտաբի ներկայացուցիչները: Հանդիպման ժամանակ հիմնական ուշադրությունը հատկացվել է այն միջոցներին, որոնց իրագործումը սկսվելու է 2013 թվականից և նախատեսում է որոշակի արտոնություններ զինծառայողների ու նրանց ընտանիքների անդամների համար:
Քննարկվել է նաև օժանդակությունը վրացական բանակում ուսուցման ու վերապատրաստման գործընթացի կատարելագործման, ու մարտունակության մակարդակի բարձրացման առումով:
