Թուրքիան ուղղակիորեն միջամտում է Սիրիայի ներքին գործերին. թուրք պատգամավոր
Թուրքիայի հիմնական ընդդիմադիր ուժի՝ Ժողովրդա-հանրապետական կուսակցության պատգամավոր Մևլյութ Դուդուն այցելել է Սիրիային սահմանամերձ շրջաններ:
Ըստ սիրիական SANA լրատվական գործակալության՝ նա Անթաքիայում հայտարարել է, որ Թուրքիան Սիրիայի ազատ բանակի զինյալներին զենք և զինամթերք է մատակարարում թուրքական շտապօգնության մեքենաներով, որոնք Սիրիայի վիրավոր քաղաքացիներին տարհանելու պատրվակով հատում են սահմանը:
Պատգամավորը Էրդողանի կառավարությունից պահանջել է հասարակությանն իրազեկել, որ Թուրքիան ուղիղ ձևով միջամտում է սիրիական գործերին:
