Թուրքիայում հրշեջ ուղղաթիռ է կործանվել
TRT Haber-ի փոխանցմամբ՝ Թուրքիայի հարավ-արևմտյան հատվածում ընկած Մուղլա նահանգի Ֆեթհիե շրջանում KA-32 T տիպի ուղղաթիռ է կործանվել: Մինչև 2.5 տոննա ջուր կրելու ունակություն ունեցող ուղղաթիռը կործանվել է անտառային հրդեհի մարման ժամանակ:
Կրակի բոցերի դեմ արդյունավետ պայքարելու համար ուղղաթիռը շատ է ներքև իջել և, բախվելով ժայռերին, կործանվել է: Ուղղաթիռում գտնվել է 5 մարդ, որոնցից երեքը եղել են ռուսներ, իսկ երկուսը՝ թուրքեր: Նրանք բոլորն էլ զոհվել են:
