Վրաստանի լեռները բարձրացած հայը կիջնի փրկարարների օգնությամբ
Օգոստոսի 9-ին, ժամը 14.35-ի սահմաններում ՀՀ ԱԻՆ ճգնաժամային կառավարման կենտրոն տեղեկություն է ստացվել, որ Հայաստանի քաղաքացին՝ Ա.Մ.-ն, լեռնագնացության նպատակով բարձրացել է Վրաստանի տարածքում գտնվող Ուշբա լեռը եւ գույքի սղության պատճառով չի կարող ինքնուրույն իջնել:
ԱԻՆ ճգնաժամային կառավարման կենտրոնից կապ է հաստատվել Վրաստանի ներքին գործերի նախարարության արտակարգ իրավիճակների դեպարտամենտի հետ, որտեղից հայտնել են, որ իրենք տեղյակ են այդ մասին, եւ վրացի փրկարարներն արդեն օգնության են մեկնել մեր հայրենակցին:
Կտրվի լրացուցիչ տեղեկություն:
