Լիբիայում իշխանությունը փոխանցվել է խորհրդարանին
Մուամար Քադաֆիի պաշտոնանկությունից հետո Լիբիայի փաստացի իշխանություն համարվող Անցումային ազգային խորհուրդն իշխանությունը փոխանցել է հուլիսին կայացած ընտրությունների արդյունքներով ձևավորված խորհրդարանին` Ազգային ասամբլեային:
Այս կապակցությամբ մայրաքաղաք Տրիպոլիում պաշտոնական արարողություն է կազմակերպվել, որին մասնակցել է նաև Անցումային խորհրդի ղեկավար Մուստաֆա Աբդել Ջալիլը:
Արարողությունն անցել է անվտանգության շատ խիստ միջոցառումների ներքո, քանի որ վերջին օրերին երկրի տարբեր հատվածներում հաճախացել են զինված բախումները:
Իշխանության փոխանցումից հետո Անցումային խորհուրդը պետք է լուծարվի: Այն հիմնականում կազմված էր Քադաֆիի դեմ պայքարող ընդդիմադիր ուժերի ներկայացուցիչներից:
Նոր խորհրդարանի առաջնահերթ նպատակը նոր սահմանադրության հարցով հանրաքվեի նախապատրաստումն է, ինչպես նաև՝ երկրի ողջ տարածքի վրա կենտրոնական իշխանության հաստատումը:
