ԿԸՀ-ն բաշխեց ընտրական հանձնաժողովների պաշտոնները
Հայաստանի կենտրոնական ընտրական հանձնաժողովն այսօր` օգոստոսի 8-ին գումարած արտահերթ նիստում էլեկտրոնային վիճակահանությամբ իրականացրել է 2012թ. սեպտեմբերի 9-ին հանրապետության Արարատի, Արմավիրի, Լոռու, Շիրակի եւ Սյունիքի մարզերում կայանալիք տեղական ինքնակառավարման մարմինների ընտրություններին տեղամասային ընտրական հանձնաժողովների նախագահների եւ քարտուղարների պաշտոնների բաշխումը` Ազգային ժողովում խմբակցություն ունեցող կուսակցությունների եւ կուսակցությունների դաշինքի միջեւ:
Տեղամասային ընտրական հանձնաժողովների նախագահների եւ քարտուղարների պաշտոնները բաշխվել են հետեւյալ համամասնությամբ`
Հայաստանի Հանրապետական կուսակցություն (ՀՀԿ)` 376-ական,
«Բարգավաճ Հայաստան» կուսակցություն (ԲՀԿ)` 264-ական,
Հայ ազգային կոնգրես կուսակցությունների դաշինք (ՀԱԿ)` 66-ական,
«Հայ Յեղափոխական Դաշնակցություն» կուսակցություն (ՀՅԴ)` 47-ական,
«Օրինաց Երկիր» կուսակցություն (ՕԵԿ)` 47-ական,
«Ժառանգություն» կուսակցություն (ԺԿ)` 47-ական:
