Ալիևը հեռացել է դահլիճից՝ իմանալով, որ Ջուլֆալակյանը ուժեղ է ադրբեջանցուց
Լոնդոնի օլիմպիական խաղերի ըմբշամարտի մրցաշարի արծաթե մեդալակիր Արսեն Ջուլֆալակյանը Facebook սոցիալական ցանցի իր էջում գրում է, որ Ադրբեջանի նախագահ Իլհամ Ալիևը հեռացել է դահլիճից, երբ իմացել է, որ Ջուլֆալակյանը բավական ուժեղ է ադրբեջանցուց։
«Պատմեմ ամենահետաքրքիր պահը: Ադրբեջանցի մարզիկի հետ կպնելու ժամանակ, ավելի ճիշտ նախքան կպնելը՝ ազերիների «հարգարժան» Ալիև նախագահը ևս գտնվում էր դահլիճում և մեր գոտեմարտից առաջ հարցնում է ըմբշամարտի մասնագետներին, թե «էս հայը ուժե՞ղ է»: Սրանք ասում են հա, շաաաաաատ… ասում է. «դե որ էդպես է, ավելի լավ է ես գնամ» , և թողնում սուսուփուս հեռանում է…»:
