«Գրեյդերը» շրջվել է
Շիրակի մարզի փրկարարական վարչության հերթապահ ջոկատից տեղեկացնում են, որ օգոստոսի 4-ին մարզում գրանցվել է ճանապարհատրանսպորտային պատահար Արթիկ-Հառիճ ճանապարհի 4-րդ կիլոմետրի հատվածում, որտեղ դեռևս չպարզված հանգամանքներում շրջվել է «Էդգար-Արամ» ՍՊԸ-ին պատկանող «Գրեյդերը», որի մեջ եղել է վարորդը՝ 1995 թվականին ծնված Հառիճի բնակիչ Սիմոն Դավթյանը:
Ահազանգը փրկարարական վարչությունն ստացել է 11:20-ին: Դեպքի վայր մեկնած Արթիկի հրշեջ փրկարարական ջոկատի անդամներին՝ հրամանատար, փրկարար ծառայության փոխգնդապետ Քոչարյան, հաջողվել է վարորդին անվտանգ դուրս բերել մեքենայից: Վերջինս տեղափոխվել է Արթիկ քաղաքի բժշկական կենտրոն:
