Քարահունջի մոտ իրանական բենզատար է շրջվել
Գորիս-Կապան ավտոճանապարհի` Քարահունջ գյուղի մոտակայքում, օգոստոսի 2-ին, ժամը 12-ի սահմաններում շրջվել է վառելիքատար ավտոմեքենա, կա վառելիքի արտահոսք: Այս մասին հայտնեցին Արտակարգ իրավիճակների նախարարությունից:
Անհրաժեշտ է եղել հրշեջ-փրկարարների օգնությունը: Դեպքի վայր է մեկնել մեկ մարտական հաշվարկ: Տեղում պարզվել է, որ «Սկանյա 420» մակնիշի (վարորդը Իրանի իսլամական հանրապետության քաղաքացի, Արդիլ քաղաք, վարորդ` Բախտիար Օսման) 117146 համարանիշով վառելիքատար ավտոմեքենան դուրս է եկել ճանապարհի երթեւեկելի մասից եւ շրջվել: Թափվել է մոտ 20 տ վառելիք:
Հրշեջ-փրկարարները կատարել են ճանապարհի լվացման աշխատանքներ: Շտապօգնության աշխատակիցների կողմից վարորդին եւ ուղեւորին ցուցաբերվել է առաջին բուժօգնություն:
