Դեպի Սիրիա լրացուցիչ չվերթը չի կայացել
Օգոստոսի 1-ին նախատեսվող Երևան-Հալեպ-Երևան «Արմավիա»-ի լրացուցիչ չվերթը չի կայացել ուղևորների բացակայության պատճառով: Այս մասին տեղեկացրեցին «Արմավիա» ազգային ավիափոխադրող ընկերության լրատվական ծառայությունից` հավելելով, որ «Արմավիա»-ն պատրաստ է իր լրացուցիչ չվերթը անմիջապես իրականացնել ուղևորների առկայության դեպքում:
Ավելի վաղ ընկերությունից տեղեկացրել էին, որ լրացուցիչ չվերթներ նախատեսվում է իրականացվել նաև օգոստոսի 8-ին, 15-ին, 22-ին և 29-ին: Չվերթները կիրականացվեն 108 տեղանոց «Բոինգ» օդանավով»:
