Բնակչությունը կառուցում է, ընկերությունները՝ ոչ

Պաշտոնական տվյալներով՝ այս տարվա առաջին կիսամյակում բնակչության միջոցներով իրականացված շինարարության ծավալներն աճել են 47.4%-ով, իսկ կազմակերպությունների դեպքում՝ նվազել 14.8%-ով։
Կիսամյակի կտրվածքով՝ շինարարության ոլորտի 6.6% անկումը պայմանավորված է հենց կազմակերպությունների պասիվությամբ, քանի որ հանրապետությունում իրականացված շինարարության կեսը բաժին է ընկնում հենց նրանց։
ՀՀ Ազգային վիճակագրական ծառայության հրապարակման համաձայն, 2012թ. Հունվար- հունիսին Հայաստանում շինարարության ոլորտի արտադրանքի ծավալը կազմել է 130.7 մլրդ դրամ, որից 63.9 միլիարդն իրականացվել է կազմակերպությունների միջոցների հաշվին, 29.2 միլիարդը՝ բնակչության միջոցների, 10.2 միլիարդը՝ միջազգային վարկերի, 18.8 միլիարդը՝ պետական բյուջեի հաշվին։ Ի դեպ, պետբյուջեի հաշվին իրականացված շինարարության ծավալները նույնպես նվազել են 6.8%-ով։
Հաշվետու ժամանակաշրջանում ամենից մեծ ծավալով շինարարական աշխատանքներ իրականացվել են Երևանում՝ 58.9 միլիարդ, իսկ ամենից քիչ՝ Վայոց ձորի մարզում՝ 2.2 միլիարդ։