Ջրահեծանվից ընկած երեք հոգուն էլ փրկել են
Հուլիսի 31-ին, ժամը 18.41-ին ԱԻՆ ջրափրկարարական ծառայություն ահազանգ է ստացվել, որ Սևանա լճի «Մոթել» հանգստյան տան մոտակայքում` լողափից մոտ 200 մետր հեռավորության վրա, նկատել են շրջվող հեծանվանավակ, որից ջուրն են ընկել երեք քաղաքացի. անհրաժեշտ է փրկարարների օգնությունը:
Դեպքի վայր է մեկնել փրկարարական ուժերի վարչության հատուկ ջրափրկարարական ջոկատի հերթապահ խումբը:
Ջրափրկարարները Սևանա լճից դուրս են բերել Արագածոտնի մարզի Կոշ գյուղի բնակիչներ` 1971 թ. ծնված Սամվել Դավթյանին, 1970 թ. ծնված Եղիշ Անտոնյանին և 1977 թ. ծնված Գևորգ Ռաֆայելյանին:
Տուժածները բուժօգնության կարիք չեն զգացել:
