Ովքե՞ր կարող են հեշտացված կարգով ստանալ Ռուսաստանի քաղաքացիություն. «Իզվեստիա»
Ռուսաստանում հաստատվել է գործատուների կողմից ամենապահանջված մասնագիտությունները ունեցող անձանց ցուցակը, ովքեր կարող են հեշտացված կարգով ՌԴ քաղաքացիություն ստանալ:
Ռուսաստանի արդարադատության նախարարությանը հաստատել է օտարերկրացիների մասնագիտությունների վերաբերյալ Աշխատանքի նախարարության հրամանը, որը իրավունք է տալիս օտարերկրացիներին հեշտացված կարգով ՌԴ քաղաքացիություն ստանալ: Այս մասին տեղեկացնում է «Իզվեստիան»:
Այսկեպ, ՌԴ աշխատանքի նախարարությունը ցանկանում է լուծել շուկայում առավել խնդրահարույց աշխատատեղերի հարցը:
Սկզբնապես ցանկը կազմված էր 211 մասնագիտություններից, որոնց թվում ներառվել էին մարզիչները, պանրագործները, խորեոգրաֆները, դաստիարակները, սակայն վերջնական արդյունքում ցանկում մնաց 74 մասնագիտություն:
Ներկայում հեշտացված եղանակով ՌԴ քաղաքացիության ստացման կարող են հավակնել բժիշկները, ինժեներները, փականագործները, էլեկտրամոնտաժողները, ինչպես նաև մաթեմատիկոսներն ու տնտեսագետները:
Նրանք պետք է ՌԴ-ում մշտապես աշխատեն նվազագույնը 3 տարի, ինչից հետո նոր իրավունք կունենան ներկայացնել քաղաքացիության հայտ:
Փորձագետներն այդ միջոցառումն օգտակար են համարում, սակայն ասում են, որ այն կառնչվի միայն օտարերկրացիների մի փոքր խմբին:
Աշխատանքի նախարարության հրամանը ստորագրվել է մի քանի օր առաջ, ինչից հետո այն գրանցվել է ՌԴ արդարադատության նախարարության կողմից:
