Պետք է հիշել, որ խաղաղությունը չի կարող գոյանալ այնտեղ, որտեղ արդարությունը մերժված է, որտեղ դեռ չեն ճանաչվել և դատապարտվել անցյալի ոճրագործությունները։ Միայն պատմական գիտակցությունը և ազգային արժանապատվությունը կարող են մեզ զերծ պահել կրկնելու նույն սխալները։
Երբ արդեն ակնհայտ էր Ռուսաստանի ու Ղազախստանի նախագահների միջնորդական առաքելության և Ժելեզնովոդսկում ստորագրված համաձայնագրի անարդյունավետությունը տարածաշրջանում իրադրության նորմալացման համար, քանի որ ադրբեջանական կողմը գերադասում էր հակամարտությունը լուծելու ռազմական ուղին, ավելի քան հրատապ է դարձել ինքնապաշտպանության ուժերի կազմավորման տեմպերի արագացման ու պաշտպանության արդյունավետ կազմակերպման համար անհրաժեշտ միջոցների հայթայթման հարցը:
