Վարսակի ալյուրը հարուստ է սննդարար նյութերով, ինչպիսիք են՝ երկաթը, B խմբի վիտամինները, սպիտակուցը և օգնում է նվազեցնել խոլեստերինը, ասում է գենետիկայի մասնագետ Թիմ Սպեկտորը: Այս մասին նա խոսել է Coventry Live-ին տված հարցազրույցում։
Մասնագետը վարսակի ալյուրն անվանել է իդեալական սնունդ «վատ» խոլեստերինը նվազեցնելու համար, քանի որ այն պարունակում է լուծելի բետա-գլյուկան մանրաթել, որն օգնում է վերահսկել ցածր խտության լիպոպրոտեինների մակարդակը: Բայց դա անելու համար հարկավոր է ամեն օր վարսակի ալյուր ուտել, ինչը ապացուցվել է հետազոտություններով, նշել է նա։
Սպեկտորը միաժամանակ ընդգծել է, որ ոչ ամեն տեսակի վարսակի ալյուրն է հավասարապես առողջարար։ Նա խորհուրդ է տվել ուտել չմշակված վարսակից պատրաստված ուտեստներ՝ մեծ քանակությամբ թեփով։
ՌԴ Կրթության պետական համալսարանի ֆիզիոլոգիայի, մարդու էկոլոգիայի և կենսաբժշկական գիտելիքի ամբիոնի դոցենտ Ալեքսանդր Սոզիկինը «Իզվեստիա»-ին ասել է, թե ինչպես է ընկույզն օգնում նվազեցնել խոլեստերինի մակարդակը:
