Մեսսիի և Ռոնալդուի մրցակցության դարաշրջանն ավարտվեց
«Բարսելոնայի» գլխավոր մարզիչ Էռնեստո Վալվերդեն գտնում է, որ պորտուգալացի հարձակվող Կրիշտիանու Ռոնալդուի՝ «Ռեալից» «Յուվենթուս» տեղափոխվելուց հետո ավարտվեց նրա հակամարտության դարաշրջանը կատալոնացիների ավագ Լիոնել Մեսսիի հետ:
«Ռոնալդուն գնաց Իսպանիայից: Թերևս, հիմա նրա մրցակցությունը Լեո Մեսսիի հետ ավարտվեց: Առաջ երբ ինչ-որ մեկը հիշատակում էր նրանցից մեկին, միանգամից հիշում էին նաև երկրորդի ազգանունը: Կարծես թե հիմա դա կմնա անցյալում»,- Վալվերդերի խոսքերն է մեջբերում Daily Times-ը:
Անդրես Ինիեստայի հեռանալուց հետո Մեսսին նշանակվեց «Բարսելոնայի» ավագ:
Պատրաստեց Անի Գաբուզյանը
