Ըստ բժիշկներից ստացված տեղեկության վթարի ենթարկված վարորդի վիճակը գնահատվում է ծանր
Օգոստոսի 8-ին ժամը 17:51-ին Ասկերանի շրջանային ԱԻ բաժնից տեղեկություն է ստացվել, որ Ստեփանակերտ-Ասկերան ավտոճանապարհի 12-րդ կմ վրա` տեղի է ունեցել ՃՏՊ:
Նախնական տվյալներով Ասկերանի շրջանի Խնապատ համայնքի բնակիչ Հ.Բ.-ն իր վարած «ՍԻԱՏ ՏՈԼԵԴՈ» մակնիշի ավտոմեքենայով դուրս է եկել ճանապարհի երթևեկելի գոտուց և կողաշրջվել: Ասկերանի ՀՓՄ-ի մեկ մարտական հաշվարկ մեկնել է կանչի վայր: ՃՏՊ հետևանքով` վարորդ Հ.Բ.-ին պատահական անցնող մեքենայով տեղափոխել են Ստեփանակերտ քաղաքի զինվորական հոսպիտալ:
Ըստ բժիշկներից ստացված տեղեկության` տուժածի վիճակը գնահատվում է ծանր:
Արցախի ԱԻՆ
