Փլուզում Երևանում
Մայիսի 26-ին, ժամը 10:38-ին «911» ծառայությանն ահազանգ է ստացվել, որ Երևան քաղաքի Սիսական փողոցի թիվ 42 հասցեում գտնվող նախկին շրջկոմի շենքի պատը փլուզվել է՝ վնասելով հարևան շինության պատը:
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատի օպերատիվ խումբը:
Պարզվել է, որ փլուզվել է պատը՝ մոտ 8 քմ, ինչի հետևանքով վնասվել է թիվ 42/1 տանը կից ծածկը:
Փրկարարները սահմանազատել են տարածքը:
