«Այս պահին խորհրդարանը ցրելու հիմքեր չկան». ԱԺ նախագահ Արա Բաբլոյան
«Եթե քաղաքական ուժերը կգան կոնսենսուսի, որ պետք է երկրում որոշակի փոփոխություններ կատարել, ինչ խոսք, դրանք կկատարվեն,- այսօր ՀՀ նախագահի նստավայրում տեղի ունեցած Հայաստան Համահայկական հիմնադրամի հոգաբարձուների խորհրդի նիստից հետո լրագրողների հետ ճեպազրույցի ընթացքում, անդրադառնալով երկրում փոփոխությունների անցկացման անհրաժեշտությանը, ասաց Ազգային ժողովի նախագահ Արա Բաբլոյանը և հավելեց,- Ամեն քաղաքական ուժ և կուսակցություն իրավունք ունի ունենալու իր դիրքորոշումը, և դրանք կարող են փոխվել կամ շտկվել միայն բանակցությունների արդյունքում»:
Պատասխանելով լրագրողի հարցին՝ արդյոք Հանրապետական կուսակցության ղեկավարի փոփոխության վերաբերյալ նախկինում հնչեցված հայտարարությունների համաձայն փոփոխություն նախատեսվո՞ւմ է, Արա Բաբլոյանը պատասխանեց՝ այս պահի դրությամբ օրակարգում կուսակցության նախագահի փոփոխության հարց չի քննարկվում:
«Կա՞ն հիմքեր ցրելու խորհրդարանը» հարցին ի պատասխան էլ՝ Արա Բաբլոյանն ասաց՝ այս պահին նման հիմքեր չկան:
Մանրամասները՝ տեսանյութում:
