Դուք խոսո՞ւմ եք ինքներդ ձեզ հետ. ամենայն հավանականությամբ, դուք հանճար եք

Հաջորդ անգամ, երբ սկսեք խոսել ինքներդ ձեզ հետ, կարող եք ձեզ ասել՝ «ամեն բան նորմալ է, սա նշանակում է, որ ես հանճար եմ»: Yaamilliarder.ru-ի հաղորդմամբ՝ երբ մարդիկ խոսում են իրենք իրենց հետ, հաճախ իրենց հարց են տալիս՝ արդյո՞ք չեն խելագարվել: Իրականում խոսքն ուղեղի օգնականն է, որի շնորհիվ տեղի է ունենում տեղեկատվության մշակումը:

Ինքդ քեզ հետ խոսելը լավացնում է հիշողությունը: «The Quarterly Journal of Experimental Psychology» ամսագրում հրապարակված հետազոտությունը պնդում է, որ արտաբերված բառերն օգնել են մարդկանց, ովքեր փորձել են որոշակի իրեր գտնել: Հետազոտությունը եզրակացնում է, որ ինքդ քեզ հետ խոսելն օգնում է արագ յուրացնել վիզուալ տեղեկատվությունը:

Օգնում է վերահսկել զգացմունքները: Մարդիկ, ովքեր խոսում են իրենք իրենց հետ, ավելի հեշտ են լավատեսորեն տրամադրվում: Երբ սովորեք օգնության դիմել ինքներդ ձեզ, աստիճանաբար կզարգանա ինքներդ ձեզ հարգելու զգացումը: Կդառնաք ձեր լավագույն ընկերը, կսովորեք մտքերը ճիշտ ուղու վրա դնել, արժանի գնահատական տալ սեփական նվաճումներին:

Նպաստում է ուշադրության կենտրոնացմանը: Ինքներդ ձեզ հետ խոսելը կարող է օգնել հեշտությամբ կենտրոնանալ: Այն հնարավորություն կտա նաև միանգամից մի քանի խնդիր լուծել: Երբ խոսքում եք ինքներդ ձեզ հետ, կարողանում եք ուշադրությունը կենտրոնացնել նրա վրա, ինչ պետք է անել: Այն օգնում է հստակեցնել նպատակները:

Նյութը հրապարակման պատրաստեց 168.am-ը