«Մանչեսթեր Յունայթեդում» դժգոհ են, որ Մոուրինիոն քննադատում է Շոուին
«Մանչեսթեր Յունայթեդում» շարունակում է զարգանալ թիմի գլխավոր մարզիչ Ժոզե Մոուրինիոյի և պաշտպան Լուկա Շոուի հարաբերությունների վատթարացման պատմությունը:
The Telegraph-ի տվյալներով՝ թիմի լիդերները դժգոհ են, որ Մոուրինիոն անտեղի քննադատում է Շոուին: Թիմի լիդերներից շատերը ցանկանում են հանդիպել և խոսել Մոուրինիոյի հետ՝ համարելով նրա պահվածքն անթույլատրելի:
Մյուս կողմից՝ ակումբի ղեկավարությունը կարծում է, որ Մոուրինիոն վնասում է Շոուի հեղինակությանը, ինչի արդյունքում ֆուտբոլիստի արժեքը կարող է նվազել: Նշենք, որ վերջին շրջանում շատ է խոսվում նաև այն մասին, որ Մոուրինիոն լրջորեն վիճել է Զլատան Իբրահիմովիչի և Պոլ Պոգբայի հետ:
Սիրարփի Աղաբաբյան
