Հղիությունից հետո առաջացած խնդիրների պատճառով Սերենա Ուիլյամսը կորտ կվերադառնա միայն մարտին

36-ամյա ամերիկուհին խնդիրներ ունի:

Աշխարհի նախկին առաջին ռակետ Սերենա Ուիլյամսը հրաժարվել է Australian Open-2018-ին մասնակցությունից՝ մարզավիճակի հետ կապված խնդիրների պատճառով:

Ամերիկուհին պլանավորում է կորտ վերադառնալ Ինդիան-Ուելսում կայանալիք BNP Paribas Open մրցաշարի շրջանակներում, որը տեղի է ունենալու մարտի 5-ից 18-ը: Այս մասին SRF-ին տված հարցազրույցում հաղորդել է սպորտսմենուհու մարզիչ Փաթրիք Մուրատօղլուն:

Սեպտեմբերին դստեր Ալեքսիս Օլիմպիային ծննդաբերելիս Ուիլյամսի մոտ խնդիրներ են առաջացել. փոքրիկի զարկերակային ճնշումն ընկել է, և բժիշկները արագորեն կատարել են կեսարյան հատում: Հաջորդ օրը Ալեքսիս Օհանյանի կինը շնչառության հետ կապված խնդիրներ է ունեցել. թոքերում ձևավորվել են թրոմբեր: Մշտական հազի պատճառով Սերենայի որովայնի կարերը պատռվել են և սկսվել է ծանր արյունահոսություն:

Ավելի վաղ Ուիլյամս-կրտսերը հաղթել էր Australian Open-2017-ը և հղիության պատճառով բաց էր թողել հաջորդող 11 ամիսները:

Պատրաստեց Անի Գաբուզյանը