«Սերբիան ռազմական առումով կմնա չեզոք երկիր». Վուչիչ
Սերբիայի նախագահ Ալեքսանդր Վուչիչը Ռուսաստանի Դաշնության խորհրդի խոսնակ Վալենտինա Մատվիենկոյի հետ կայացած հանդիպման ընթացքում հաստատել է, որ երկիրը ռազմական առումով չեզոք է մնալու:
«Ես վերջերս Բրյուսելում տեղի ունեցած հանդիպմանը հայտարարել եմ, որ Սերբիան ռազմական առումով կմնա չեզոք երկիր»,- ասել է Վուչիչը նոյեմբերի 21-ին: Նա նաեւ ընդգծել է, որ Սերբիան շատ շնորհակալ է Ռուսաստանից, ՌԴ-ի ղեկավարությունից ՄիԳ-29 ռազմական ինքնաթիռների մատակարարման համար:
«Սերբիան դրա շնորհիվ մնում է ավելի անվտանգ պետություն»,-ասել է նախագահը: Սերբիայի ղեկավարը նաեւ նշել է, որ Բելգրադը չի պաշտպանում հակառուսական պատժամիջոցները: «Ցանկանում եմ կարեւոր նկատառում հայտնել. Սերբիան ոչ մի պատժամիջոց չի սահմանել ռուս ժողովրդի դեմ ու չի սահմանի»,-նշել է Վուչիչը, հաղորդել է ՌԻԱ Նովոստին:
