Պատահարից 2 օր անց վարորդը մահացել է

Ինչպես տեղեկացրել էինք՝ հոկտեմբերի 17-ին, ժամը 23.30-ին, Սևան-Մարտունի-Գետափ ճանապարհի 52-րդ կմ-ին «ԳԱԶ 3110» մակնիշի ավտոմեքենան դուրս էր եկել ճանապարհի երթևեկելի գոտուց և բախվել ծառերի, ինչի հետևանքով վարորդը մարմնական վնասվածքներով տեղափոխվել էր հիվանդանոց:

Հոկտեմբերի 19-ին, ժամը 8.05-ին, «ԳԱԶ 3110»-ի վարորդը՝ 1967 թ. ծնված Արթուր Միքայելյանը, հիվանդանոցում, գիտակցության չգալով, մահացել է:
Քննությունը շարունակվում է:

ՀՀ ոստիկանություն