Մոսկվա-Երևան չվերթի ինքնաթիռով հետախուզվող տղամարդը ժամանել է Հայաստան և ներկայացել իրավապահներին
Հոկտեմբերի 13-ին, ժամը 10.50-ին, Մոսկվա-Երևան չվերթի ինքնաթիռով ինքնակամ ՀՀ է ժամանել 1980 թ. ծնված Գեղամ Պ.-ն, որը 2010թ. սեպտեմբերի 30-ից ՀՀ ոստիկանության Արաբկիրի բաժնի կողմից հետախուզվում էր ՀՀ քրեական օրենսգրքի 34-104 հոդվածի (սպանության փորձ) 2-րդ մասի 6-րդ և 7-րդ կետի ու 235 հոդվածի (ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը) 1-ին մասի մեղադրանքով:
